"Chelsi" yarim himoyachisi "Yuventus"ga ko'chib o'tishi mumkin

"Chelsi" yarim himoyachisi Jorjino transfer oynasi yopilguniga qadar "Yuventus"ga ko'chib o'tishi mumkin.

Jurnalist Adam Nyusonning fikricha, vaziyat shu vaqtgacha "Chelsi" yangi yarim himoyachi sotib olishiga bog'liq bo'ladi. Eslatib o'tamiz, "ko'klar" bir necha haftadan buyon "Barselona" yarim himoyachisi Frenki de Yongga qiziqish bildirmoqda.

Jorjinoning "Chelsi" bilan shartnomasi tugashiga bir yil qoldi, shuning uchun u arzon narxda sotilishi kerak.

Avvalroq, Jorjinoning penaltidan kiritgan goli "Chelsi"ga Angliya Premer-ligasining birinchi turida "Gudison Park" stadionida "Everton" klubiga qarshi o'yinda minimal g'alaba keltirgandi.