Yozda kutilayotgan «Bomba» trasnferlar 2-qism

Bu mavsumda katta arenalarda omadsiz ishtirok etgan klublar yozgi transfer oynasini sabrsizlik bilan kutishmoqda. Ular yangi futbolchilar yordamida jamoaning o'yinini sezilarli darajada kuchaytirishni reja qilishgan. Bugun ishonchli manbalarga tayangan holda amalga oshish ehtimoli yuqori bo'lgan transferlar haqida so'z boradi.

Nikola Pepe – «Bavariya»

«Lill»da javlon urayotgan 23 yoshlik futbolchini oldingi maqolamizda sizlarga tanishtirganimiz uchun ortiqcha to'xtalib o'tirmadik.
Hozirda futbolchi gol plyus pas tizimida 33 ta uchrashuvda 33 ochko to'plagan holda ajoyib sermahsullik ko'rsatib, hammani o'ziga qaratmoqda. «Lill» uni sotib yuborishga tayyor ekanligini yashirib o'tirmayapti. Hozirda futbolchiga asosiy da'vogar sifatida «Bavariya»ni ko'rsatishmoqda. Klub futbolchini bir necha marotaba stadiondan kuzatish uchun murabbiylarini jo'natgani hech kimga sir emas. «Bavariya» yozda klubni tark etishi kutilayotgan Frank Riberining o'rnida Nikola Pepeni ko'rmoqda va unga ishonch bildirmoqda.

Salah – «Yuventus»

Yaqinda Ronaldu «Yuventus» rahbarlariga klubni kuchaytirishi mumkun bo'lgan futbolchilar ro'yxatini taqdim etgan edi. Eng qizig'i shundaki, u ro'yxatda Misrlik Muhammad Salah ham mavjud bo'lib, futbolchini «Yuve»ga olib kelishga rahbarlar ham qiziqib qoldi. «Liverpul»ning Dibalaga bo'lgan qiziqishini inobatga olsak, bu transfer amalga oshishi mumkin. Ikki klub futbolchilarini almashtiradigan bo'lsa, ikkisi ham bundan foyda ko'rishi mumkin. Salah uchun Italiliya «A tseriya»si o'z uyidek gap! Dibala esa, Ronalduning soyasida qolib ketmaslik uchun tezroq ketish maqsadida ekanligi hech kimga sir emas. Agarda «Liverpul» bu mavsum ham sovrinsiz qoladigan bo'lsa, unda Salah sovrinlar yutish maqsadida «Yuventus»ga o'tib ketishi ham hech gap emas. Shunday ekan, voqealar rivoji qanday yakunlanishini tomosha qilamiz

Kalidu Kulibali

Senigal terma jamosi va «Napoli» himoyachisi mana bir necha yillardan beri ko'plab grandlar e'tibor markazida turibdi. O'tgan mavsumda «PSJ» va «Barselona»dan tushgan takliflarni rad etgan futbolchi karierasida burilish yasash maqsadida bu yil yozda jamoani tark etishi kutilmoqda. Futbolchining o'zi buni intervyularida ochiqchasiga e'lon qilmoqda. Klub uni o'z safida olib qolish maqsadida uning transfer summasini 150 million evroga ko'tarib qo'ygan bo'lsada, «Manchester Yunayted» uni harid qilish fikridan qaytmayapti. Darhaqiqat, «qizil iblislar» hozir saviyali himoyachiga har doyimgidanda muhtoj. «Tuttosport»ning xabar berishicha, futbolchi va klub og'zaki kelishuvga erishgan va yozda bu transfer amalga oshadi. Agarda Senegallik futbolchi APLga yo'l oladigan bo'lsa, u futbol tarixidagi eng qimmat himoyachiga aylanadi.

Garet Beyl – «Tottenhem»

«Real Madrid»ning yangi rejalaridan tashqarida qolgan futbolchi yozda klubdan ketishi tobora aniqlashib bormoqda. Uning keyingi manzili katta ehtimol bilan Sobiq klubi bo'lishi kutilmoqda. «Fotbal24» nashrining xabar berishicha «Shporlar» uni ortga qaytarishmoqchi. Futbolchining saviyali o'yinlari keyingi mavsumda APL g'olibligi uchun kurashda qo'l kelishiga umid qilayotgan «Tottenhem» futbolchi uchun kurashda fovorit bo'lib turibdi. Beylning o'zi ham ortga qaytishga qarshi emas. Transfer amalga oshadigan bo'lsa, «Tottenhem» keyingi mavsumda ancha tajovuzkor futbol namoyish etsa, ajab emas.