Shvetsiya terma jamoasining sobiq hujumchisi Zlatan Ibrahimovich Niderlandiya terma jamoasining sobiq forvardi Marko van Bastenni o'zining kumiri deb atadi.

«Milan»ning sobiq futbolchilaridan kimga havas qilganman? Bu — Marko van Basten. «Ayaks»ga kelganimda meni Marko bilan solishtirishgan, chunki u ham amsterdamliklar safida o'ynagan. Van Basten — bu haqiqiy afsona.

Van Basten, Gullit va Raykard «Milan» tarixiga kirishgan. Van Bastenning faoliyati qisqa bo'ldi, ammo uning o'yini jahon futboli tarixida abadiy qoladi», — dedi Ibrahimovich «CBS» telekanaliga bergan intervyusida.

Ma'lumot uchun, Marko van Basten jarohatlar tufayli futbolchilik faoliyatini 28 yoshida yakunlashga majbur bo'lgan edi.