Zinedin Zidan Frantsiya terma jamoasi bosh murabbiyi lavozimiga tayinlanish arafasida turibdi. Nufuzli insayder Fabritsio Romano ijtimoiy tarmoqlarda ushbu mavzu bo'yicha yangi ma'lumotlarni e'lon qildi.

Romanoning ta'kidlashicha, Zidan o'z murabbiylar shtabini allaqachon aniqlab olgan. Hujjatlar joriy oyda imzolanadi. Zidan va Frantsiya futbol federatsiyasi o'rtasidagi kelishuv 2030 yilgi Jahon chempionati yakuniga qadar mo'ljallanadi.

Dide Desham uchun Frantsiya terma jamoasi bosh murabbiyi sifatidagi faoliyatidagi so'nggi o'yin yaqinlashmoqda. Jamoa 2026 yilgi mundialda 3-o'rin uchun kechadigan bahsda Angliyaga qarshi maydonga tushadi.

Eslatib o'tamiz, Frantsiya Jahon chempionati yarim finalida Ispaniyaga 0:2 hisobida mag'lub bo'lgan edi.

Manba: Stadion.uz