27 mart kuni o'tkazilgan o'rtoqlik uchrashuvida Shveytsariya va Germaniya terma jamoalari to'qnash kelishdi. Gollarga boy kechgan bahs Yulian Nagelsmann shogirdlarining 4:3 hisobidagi g'alabasi bilan yakunlandi.

Yarim himoyachi Yozua Kimmix uchrashuvni to'liq o'tkazdi. Transfermarkt portalining hisob-kitoblariga ko'ra, ushbu o'yin «Bavariya»ning 31 yoshli futbolchisi uchun «bundesmanshaft» tarkibidagi 107-uchrashuv bo'ldi va bu unga terma jamoa tarixidagi eng yaxshi o'ntalikka kirish imkonini berdi.

Germaniya terma jamoasida Kimmixdan ko'ra ko'proq o'yin o'tkazgan futbolchilar ro'yxati quyidagicha: Yurgen Klinsmann (108), Filipp Lam (113), Toni Kroos (114), Bastian Shvaynshtayger (121), Manuel Noyer (124), Lukas Podolski (130), Tomas Myuller (131), Miroslav Kloze (137) va Lotar Matteus (150 o'yin).