Armaniston poytaxti Erevan shahrida boks bo'yicha «Yerevan Mayor Cup» xalqaro turniri davom etmoqda. Musobaqaning yarim final bosqichida o'zbekistonlik ikki nafar bokschi ringga ko'tarildi.

-55 kg vazn toifasida ishtirok etayotgan Shahzod Muzaffarov yarim finalda mezbonlar vakili Suren Rubinyanga qarshi bahs yuritdi. Butun jang davomida katta ustunlikka erishgan vakilimiz 5:0 hisobida ishonchli g'alabani qo'lga kiritib, turnirning finaliga yo'l oldi.

Shuningdek, -70 kg vazn toifasidagi vakilimiz Iqboljon Xoldorov ham yarim final jangini o'tkazdi. Armanistonlik Hurutyun Hakobkohyanga qarshi kechgan murosasiz bahsda vakilimiz 2:3 hisobida imkoniyatni boy berib qo'ydi. Shu tariqa, Xoldorov musobaqaning bronza medali bilan cheklandi.

Manba: Stadion.uz