"Manchester Siti" hujumchisi Erling Xoland gol urish bo'yicha rekordlarni yangilashda davom etmoqda. Chorshanba kuni norvegiyalik futbolchi "shaharliklar"ga Dortmundning "Borussiya" klubi ustidan yirik hisobda g'alaba qozonishga yordam berdi (4:1). 25 yoshli forvard Chempionlar Ligasidagi golli seriyasini ketma-ket beshta o'yinga etkazdi - bungacha "Manchester Siti"ning hech bir vakili bunday natijaga erisha olmagandi.

Erling Xoland Chempionlar Ligasining joriy mavsumidagi to'purarlar ro'yxatida ikkinchi o'rinni Kilian Mbappe ("Real") va Xarri Keyn ("Bavariya") bilan bo'lishib turibdi - 5tadan gol. Ulardan yuqorida faqat "Galatasaroy"da 6 marta gol urgan Viktor Osimxen joy olgan.