Ispaniyalik himoyachi Mario Xila yaqin vaqt ichida «Latsio»dan «Milan»ga o'tishi kutilmoqda. Bu haqda insayderi Fabritsio Romano xabar berdi.

Manbaga ko'ra, 25 yoshli futbolchining transfer qiymati 30 million evroni tashkil etadi. Ushbu summaning 15 million evrosi Madridning «Real» klubiga tegishli bo'ladi.

Mario«Real» tarbiyalanuvchisi hisoblanadi. U 2022 yil yozida «Latsio»ga o'tganida tuzilgan shartnomaga ko'ra, madridliklar futbolchining keyingi transferidan tushadigan mablag'ning 50 foizini olish huquqini saqlab qolgan.

Xabar qilinishicha, Xila yaqin dam olish kunlari tibbiy ko'rikdan o'tgach, «Milan» bilan rasmiy shartnoma imzolaydi.

Ispaniyalik himoyachining «Latsio» bilan amaldagi shartnomasi kelasi yozda o'z yakuniga etadi.

Manba: Stadion.uz