Xavi yaqin kelajakda murabbiylik faoliyatiga qaytishi mumkin. Mutaxassis "Manchester Yunayted" murabbiylik lavozimida ishlashga qiziqmoqda. Bu haqda nufuzli insayder Fabritsio Romano ma'lum qildi.

"Xavi Premer-ligani o'rganmoqda, u erda nima bo'layotganini kuzatmoqda. U evrokuboklarsiz ham darhol "Manchester Yunayted"ni qabul qilib olishga tayyor" - dedi Romano YouTube’dagi kanalida.

"Manchester Yunayted"ning hozirgi bosh murabbiyi Ruben Amorim yomon natijalar tufayli bosim ostida qolmoqda. Dam olish kunlari "qizil iblislar" "Brentford"ga 1:3 hisobida yutqazdi.

Ayni paytda "Manchester Yunayted" Premer-liga turnir jadvalida 14-o'rinni egallab turibdi.