Angliya chempionatida o'n sakkizinchi tur o'yinlari start oldi, "Manchester Yunayted" o'z maydonida "Nyukasl"ni qabul qildi va kichik hisobda g'alaba qozondi. Uchrashuv natijalari haqida mehmonlar ustozi Eddi Xau fikr bildirdi, u jamoasi kamida ochko olishi kerak edi, deb hisoblamoqda.

"O'yindan qoniqdim, ammo natijadan emas. Bu o'yinda nimadir olishimiz kerakligini his qilyapman. Biz to'pga egalik qilish va yaratilgan imkoniyatlar borasida ustunlik qildik," - deya mutaxassisning so'zlarini keltiradi BBC Sport.

Hozirda "Nyukasl" Angliya Premer-ligasi turnir jadvalida o'n birinchi o'rinda bormoqda.