«Midlsbro» yarim himoyachisi Xeyden Xakni Liverpulning «Everton» klubi futbolchisiga aylanadi. Bu haqda ishonchli insayder — Fabritsio Romano xabar tarqatdi.

Xakni «irislar»ga 19 million evroga tushadi, bundan tashqari yana 8 million evro bonuslar sifatida to'lab berilishi ko'zda tutilgan. Yakunlangan Chempionship mavsumida 24 yoshli yarim himoyachi 39 ta o'yinda maydonga tushib, ularda jami 5 ta gol urdi va 7 ta golli uzatmani amalga oshirdi. «Midlsbro» jamoasi Chempionship pley-off bosqichi finalida «Xall Siti»ga imkoniyatni boy berib, Angliya Premer-ligasiga chiqish imkoniyatini qo'ldan boy bergan edi.

Bundan avvalroq ommaviy axborot vositalarida Xaknining xizmatlariga Angliyaning bir yo'la uchta top-klubi — «Liverpul», «Manchester Yunayted» va «Tottenxem» qiziqish bildirayotgani haqida xabarlar berilgan edi.

Manba: Stadion.uz