Madridning "Real" klubi bosh murabbiyi Xabi Alonso jamoa futbolchilari bilan o'zaro munosabatlari haqida gapirdi.

So'nggi paytlarda "qaymoqranglilar" kiyinish xonasida murabbiyning ba'zi futbolchilar bilan keskin munosabati bilan bog'liq muammolar tez-tez matbuotda muhokama qilinmoqda. Bosh murabbiyning so'zlariga ko'ra, muammo yo'q.

"Futbolchilar bilan aloqa faqat yaxshilanmoqda, chunki biz bir-birimizni tobora yaxshiroq bilib bormoqdamiz. Biz hammamiz bir kemadamiz, bir yo'nalishda harakat qilamiz, g'alabalarni birgalikda nishonlaymiz va muvaffaqiyatsizliklarni boshdan kechiramiz. Ishlar yaxshi ketmoqda, ammo bizda ishlash uchun ko'p narsa bor," - dedi Alonso "Elche" bilan durangdan (2:2) keyin o'tkazilgan matbuot anjumanida.

Ispaniyalik futbolchi iyun oyida Karlo Anchelotti o'rniga Madrid jamoasi boshqaruviga kelgandi.