Madridning "Real" klubi bosh murabbiyi Xabi Alonso jamoa yarim himoyachisi Arda Gyuler haqida fikr bildirdi.

"Men Leverkuzenning "Bayer" klubida ishlaganimda, Arda Gyulerni o'z jamoamda ko'rishni xohlardim, chunki u noyob iste'dodga ega. Endi "Real"ga murabbiylik qilayotganimda, uning jamoamda o'ynayotganidan juda xursandman. Arda - "Real"ning kelajagi va u bir kun kelib "Oltin to'p"ni qo'lga kiritadi. Uning Mbappe bilan munosabati kundan-kunga yaxshilanib bormoqda," - dedi Alonso.

Joriy mavsumda 20 yoshli Gyuler barcha musobaqalarni hisobga olgan holda 11 ta o'yinda maydonga tushib, 3 ta gol urdi va 5 ta golli uzatmani amalga oshirdi.