Madridning "Real" klubi ustozi Xabi Alonso frantsiyalik hujumchi Kilian Mbappening jamoa uchun ahamiyati haqida gapirdi.

Chempionlar ligasi umumiy bosqichidan o'rin olgan "Olimpiakos"ga qarshi kechgan so'nggi o'yinda (4:3) hujumchi poker qayd etdi.

"Menga Kilianning jamoa uchun qilayotgan ishlari yoqadi. Bu faqat urilgan gollar emas. Uning shaxsiyati, jamoadoshlariga ta'siri, har bir mayda-chuyda detallar. Bu futbolchi "Real" uchun juda muhim," - deya ispaniyalik mutaxassisning so'zlarini keltiradi ESPN.

2025/2026 yilgi mavsumda Mbappe "qaymoqranglilar" safida 21 ta o'yinda maydonga tushib, 23 ta gol urdi va 3 ta golli uzatmani amalga oshirdi.