«PSJ» yarim himoyachisi Vitinya Chempionlar ligasi finalida «Arsenal»ga qarshi o'yinda ajoyib natija qayd etdi.

Portugaliyalik futbolchi uchrashuv davomida 141 ta aniq uzatmani amalga oshirib, Xavi Ernandesning 2011 yilgi finalda (Barselona — Manchester Yunayted o'yinida) o'rnatgan rekordini takrorladi.

UEFA tomonidan finalning eng yaxshi o'yinchisi deb topilgan Vitinya «PSJ»ning o'yinini boshqarib bordi va 105-daqiqada zaxiraga olindi. Eslatib o'tamiz, asosiy va qo'shimcha bo'limlar 1:1 hisobida yakunlangan, penaltilar seriyasida esa parijliklar 4:3 hisobida g'alaba qozonib, chempionlikni qo'lga kiritgan edi.