«Liverpul» va Germaniya terma jamoasi yarim himoyachisi Florian Virts bolaligida kuzatgan birinchi Jahon chempionati haqida gapirib berdi.

«Menimcha, bu 2010 yilgi turnir edi: har holda, bu men yaxshi eslaydigan birinchi Jahon chempionati. Men o'yinlarni do'stlarim bilan yoki ko'chadagi odamlar orasida tomosha qilardim. Jahon chempionati — bu ajoyib voqea: u ko'plab turli mamlakatlarni birlashtiradi va Germaniyada doimo haqiqiy bayramona muhit hukm suradi, butun mamlakat milliy terma jamoani qo'llab-quvvatlaydi», — deya Virtsning so'zlarini FIFA rasmiy sayti keltirmoqda.

JCh-2026da Germaniya terma jamoasi «E» guruhida Kyurasao, Kot-d'Ivuar va Ekvador jamoalari bilan kuch sinashadi.