Hozirgi vaqtda hujumchi Vinisius Juniorning Madridning «Real» klubi bilan 2027 yilning yozida yakuniga etadigan shartnomasini uzaytirish bo'yicha hech qanday alomatlar yo'q. Bu haqda The Athletic nashri xabar bermoqda.

Manbaning ma'lumotlariga ko'ra, «qaymoqranglilar» soliqlar chegirib tashlanganidan keyin yiliga 20 million evro maosh taklif qilishgan, biroq braziliyalik futbolchining agentlari 30 million evrodan sal kamroq mablag' so'rashgan. Ayni damda Vinisiusning maoshi 17 million evroni tashkil qiladi. Ta'kidlanishicha, so'ralgan 30 million evro o'z ichiga asosiy maosh, natijadorlik uchun bonuslar va shartnomani uzaytirganlik uchun beriladigan bonus summasini qamrab olgan. Bungacha klub boshqa futbolchilarga bunday shartlarni taklif qilmagan edi. 2025 yilning yozidan beri Vinisiusning mehnat shartnomasini uzaytirish masalasida sezilarli ilgarilash kuzatilmagan.