Braziliya terma jamoasi bosh murabbiyi Karlo Anchelotti "Real" hujumchilari Vinisius Junior va Rodrigoning kelajagi haqidagi savollarga javob berdi.

"Vinisiusga 2026 yilgi jahon chempionati qaydnomasidan joy kafolatlanganmi? Agar u yaxshi formada bo'lsa, ha. U eng yaxshi formada bo'lishi kerak. Rodrigo ham. Agar u eng yaxshi formada bo'lsa. U juda yaxshi futbolchi. Rodrigo bilan Vini haqida gapirib o'tirishning hojati yo'q. Men ular bilan Chempionlar Ligasida g'alaba qozonganman", - dedi Anchelotti ESPN’ga bergan intervyusida.

2026 yilda jahon chempionati uchta mamlakatda - AQSh, Kanada va Meksikada bo'lib o'tadi.