Braziliya terma jamoasi hujumchisi Vinisius Junior bo'lajak Jahon chempionati haqida o'z fikrlarini bildirdi. Vinisiusning so'zlariga ko'ra, Lamin Yamal safida bo'lgan Ispaniya terma jamoasi turnir favoritlaridan biri hisoblanadi.

«Ispaniya — Jahon chempionati favoritlari qatorida. Ular Evropa chempionatida g'olib chiqishdi va ularning tarkibida Lamin Yamal bor. Yamal — dunyoning eng yaxshi futbolchilaridan biri. Muxlislar aynan unga o'xshagan futbolchilar uchun chipta sotib olishadi», — deya Vinisiusning so'zlarini keltirmoqda The Touchline.

Jahon chempionati 11 iyun kuni start oladi. Turnir uchta mamlakatda — AQSh, Kanada va Meksikada bo'lib o'tadi. Ispaniya terma jamoasi guruh bosqichida Kabo-Verde, Saudiya Arabistoni va Urugvayga qarshi bahs olib boradi.