Turkiya milliy terma jamoasi bosh murabbiyi Vinchentso Montella o'z lavozimida qoladi. Bu haqda taniqli insayder Nikolo Skira xabar bermoqda.

Manba bergan ma'lumotlarga ko'ra, Turkiya futbol federatsiyasi Jahon chempionati — 2026dagi omadsiz ishtirokka qaramay, italiyalik mutaxassisni jamoa boshqaruvida qoldirishga qat'iy qaror qilgan. Turkiya terma jamoasi mundialning guruh bosqichida bor-yo'g'i 3 ochko jamg'arib, keyingi bosqichga chiqa olmagan edi.

52 yoshli Montella 2023 yildan buyon Turkiya terma jamoasini boshqarib kelmoqda. Uning qo'l ostida jamoa 36 ta uchrashuv o'tkazib, 21 ta g'alabaga erishdi, 5 marta durang o'ynadi va 10 ta bahsda imkoniyatni boy berdi.

Montellaning ayni damdagi amaldagi shartnomasi 2028 yilning iyul oyi oxirigacha, ya'ni navbatdagi Evropa chempionati yakuniga qadar mo'ljallangan.

Manba: Stadion.uz