Niderlandiyalik hujumchi Memfis Depay Madridning "Real" klubi futbolchisi Endrikni ruhlantirdi.

Joriy mavsumda 19 yoshli braziliyalik futbolchi deyarli o'yin amaliyotiga ega bo'lmayapti, shuning uchun u yanvarda ijaraga ketadi. Hujumchining ijtimoiy tarmoqlardagi postlaridan biri ostida Ispaniyaning "Barselona" va Madridning "Atletiko" klublarida o'ynagan Memfis Depayning izohi paydo bo'ldi.

"Sabr. Sening vaqting tez orada keladi," - deb yozdi hozirda Braziliyaning "Korintians" klubi sharafini himoya qilayotgan niderlandiyalik futbolchi.

Ehtimol, Depay Endrikning tez orada "Lion"ga o'tishiga ishora qilgandir - Memfisning o'zi 2017 yildan 2021 yilgacha frantsuz klubida muvaffaqiyatli o'ynagan.