«Liverpul»ning niderlandiyalik himoyachisi Virjil van Deyk UEFA Chempionlar Ligasi chorak finali doirasida Frantsiyaning «PSJ» klubiga qarshi bo'lib o'tadigan javob uchrashuvi oldidan o'z fikrlari bilan o'rtoqlashdi.

«Javob uchrashuvini intizorlik bilan kutyapman. Oldimizda juda murakkab vazifa turganini bilamiz, lekin aynan mana shunday o'yinlar uchun biz maydonga tushamiz. Keyingi bosqichga chiqish uchun favqulodda (o'ziga xos) bir narsa ko'rsatishimiz kerak. Ushbu imkoniyatga ega bo'lish uchun yuqori darajadagi mahorat namoyish etishimiz shart», — deya futbolchining so'zlarini keltirmoqda mersisaydliklar matbuot xizmati.

Eslatib o'tamiz, birinchi o'yinda «Liverpul» safarda 0:2 hisobida imkoniyatni boy bergan edi. Javob uchrashuvi bugun, 14 aprel kuni «Enfild» stadionida bo'lib o'tadi. O'yin Toshkent vaqti bilan tungi soat 00:00 da (15 aprelga o'tar kechasi) boshlanadi.