"Valensiya" o'ng qanot himoyachisi Rentso Saraviya transferini e'lon qildi.

Ispaniya klubi Dimitri Fulkening jiddiy jarohati sababli 32 yoshli argentinalik futbolchi bilan joriy mavsum yakuniga qadar shartnoma imzoladi.

So'nggi uch yil davomida Saraviya "Atletiko Mineyro" sharafini himoya qilgan va 1 yanvar kuni klubni erkin agent sifatida tark etgan edi. Shuningdek, u faoliyati davomida "Botafogo", "Internasonal", "Rasing Avelyaneda" va "Belgrano" kabi jamoalarda o'ynagan.