Frantsiya terma jamoasi hujumchisi Usmon Dembele Jahon chempionati 3-turidan o'rin olgan Norvegiya terma jamoasi ustidan qozonilgan g'alaba (4:1) haqida gapirdi. Hujumchi uchta gol urib, uchrashuvning eng yaxshi futbolchisiga aylandi.

«Bu men uchun noyob va muhim lahza. Menimcha, Senegal va Shimoliy Irlandiyaga qarshi o'yinlarda jamoa o'yiniga ko'proq ta'sir o'tkazgandim. Eng muhimi — diqqatni saqlab qolish. Oldinda muhim bahslar kutib turibdi. O'zimni ham maydonda, ham jamoada a'lo darajada his qilyapman. Jamoa haqida o'ylash kerak. Norvegiya maydonga tarkibda katta o'zgarishlar bilan tushdi. Biz g'alaba qozonishimiz va bor e'tiborimizni qaratgan holda qolishimiz zarur. Eng muhimi hali oldinda. Bo'shashish mumkin emas.

Biz diqqatimizni jamlaganmiz. Bu guruhda birinchi o'rinni egallash uchun muhim o'yin edi. Biz barcha o'yinlarda g'alaba qozonishni xohlaymiz. Diqqatli bo'lamiz, chunki oldinda turgan o'yinlar ham juda muhim. O'zaro muloqot zarur. Bizda maydonda ham, zaxira o'rindig'ida ham sifatli futbolchilar bor. Muloqot orqali bir-birimizni yaxshiroq tushunmoqdamiz. Shu ruhda davom etish kerak», — dedi Dembele M6 efirida.

Manba: Stadion.uz