«Aston Villa» hujumchisi Olli Uotkins Birmingem jamoasi safidagi o'zining 100-goliga izoh berdi. Futbolchi Evropa Ligasi 1/4 finali doirasidagi «Bolonya»ga qarshi javob uchrashuvida raqib darvozasini ishg'ol etdi.

U 16-daqiqada hisobni ochdi. Shundan so'ng inglizlar raqib darvozasiga yana uchta to'p kiritib, yirik hisobdagi g'alabani (4:0) qo'lga kiritdilar.

«Bu men doim intilgan natija edi, shu bois erishgan yutug'imdan juda faxrlanaman. Bu o'ziga xos voqea — men buni shu erda, oilam va do'stlarim ko'z o'nggida amalga oshirdim», — deya hujumchining so'zlarini keltiradi UEFA matbuot xizmati.

Qayd etish joizki, ushbu gol Uotkins uchun 2026 yilning yanvaridan buyon birinchisi bo'ldi. Turnir yarim finalida «Aston Villa» «Nottingem Forest» bilan to'qnash keladi.