Italiyaning «Milan» klubi sobiq futbolchisi Alessandro Nesta Massimiliano Allegrining 2010 yilda, ilk bor jamoani boshqarish uchun kelgan davrlarini yodga oldi. Nestaning so'zlariga ko'ra, o'sha paytda u yosh murabbiyga ko'maklashishiga to'g'ri kelgan.

«O'shanda biz ko'p suhbatlashardik, men va Pirlo Maksga jamoaga moslashib ketishi uchun yordam berardik. U engina «Kalyari»dan kelgan yosh mutaxassis edi va har qadamda buyuk futbolchilar uchraydigan klub kiyinish xonasini boshqaruvini qo'lga olish u uchun oson bo'lmagan», — deya Nestaning so'zlaridan iqtibos keltirmoqda pianetamilan.it nashri.

Hozirgi vaqtda «Milan» Italiya A Seriyasi turnir jadvalida ikkinchi o'rinni egallab turibdi.