«Bavariya» va «Liverpul» klublari sobiq futbolchisi Tyago Alkantara «Manchester Yunayted» yarim himoyachisi Kobbi Maynu haqidagi fikrlari bilan o'rtoqlashdi.

«Maynuning o'yini menga yoqadi. Men undan "sakkizlik" (markaziy yarim himoyachi) pozitsiyasida foydalangan bo'lardim, chunki u himoyalanishni ham, agressiv o'ynashni ham biladi. Raqiblarni aldab o'tish, jarima maydonchasi ichiga yorib kirish va gol urish qo'lidan keladi. Maydonda o'zini tutishiga qaraganda, u — haqiqiy "sakkizlik".

Uni "o'nlik" (hujumkor yarim himoyachi) pozitsiyasiga qo'ya olmaysiz. Agar u orqasida raqib follarini bartaraf etadigan kimdir borligini bilsa, himoya haqida ko'p bosh qotirmasdan, oldinga o'tishi va jarima maydonchasiga yorib kirishi mumkin bo'ladi», — dedi Alkantara Rio Ferdinandning podkastida.

Kobbi Maynu — «Manchester Yunayted» akademiyasi tarbiyalanuvchisi hisoblanadi. Joriy 2025/26 yilgi mavsumda yarim himoyachi «qizil iblislar» safinda barcha turnirlarda 30 ta o'yinda maydonga tushib, 1 ta gol urdi va 3 ta golli uzatmani amalga oshirdi.

Manba: Stadion.uz