Angliya terma jamoasi bosh murabbiyi Tomas Tuxel hujumchi Markus Reshfordning o'yini haqida o'z fikrlari bilan o'rtoqlashdi.

«Markus Reshford ayni damda o'z faoliyatining cho'qqisida (praymda) turibdi. «Barselona»ga o'tganidan beri u butunlay boshqa futbolchiga aylandi. Urugvayga qarshi bahsda u maydondagi eng yaxshi o'yinchi bo'ldi. «Barselona» uni olib qolmoqchi emasligining yagona sababi — ularning moliyaviy imkoniyatlari bunga yo'l qo'ymasligida bo'lsa kerak», — dedi Tuxel.

Urugvayga qarshi kechgan o'rtoqlik uchrashuvida (1:1) Reshford asosiy tarkibda maydonga tushdi va 69 daqiqa harakat qildi. Angliyaliklar navbatdagi nazorat o'yinini bugun, 31 mart kuni Yaponiya terma jamoasiga qarshi o'tkazishadi.