Angliya terma jamoasi bosh murabbiyi Tomas Tuxel yarimhimoyachi Jud Bellingemning jamoaga qaytishi haqida gapirdi.

"Bellingemning qaytganidan xursandman. U "o'nlik" bo'lib qaytdi. Menimcha, bu uning eng yaxshi pozitsiyasi. Uning kuchli tomonlaridan biri bu pozitsiyadan gol urish qobiliyatidir. U "to'qqizlik" sifatida gol uradi va golli uzatmalarni amalga oshiradi, bu "o'nlik" uchun g'ayrioddiydir. Bu oson ko'rinadi, ammo kerakli vaqtda kerakli pozitsiyani egallash qiyin", - deya Tuxelning so'zlarini keltiradi Daily Express.

Angliya terma jamoasi allaqachon jahon chempionatiga yo'l olgan. Tuxel jamoasi saralashning qolgan ikki o'yinida Serbiya (13 noyabr) va Albaniyaga (16 noyabr) qarshi maydonga tushadi.