Xosep Gvardiola juma kungi matbuot anjumanida ishtirok etmadi. Bosh murabbiy o'rniga jurnalistlar bilan muloqot qilish uchun "Manchester Siti" murabbiylar shtabi a'zosi Kolo Ture keldi. U Gvardiolaning yo'qligiga izoh berdi.

- Pep bilan hammasi joyida. Shunchaki uning kelishiga yo'l qo'ymagan mayda-chuyda detallar bor, lekin hammasi joyida. U o'yinda aniq ishtirok etadi", - dedi Ture jurnalistlarga.

"Manchester Siti" 14 dekabr, yakshanba kuni Londonda Premer-liga doirasida "Kristal Pelas"ga qarshi bahs olib boradi. Start hushtagi Toshkent vaqti bilan soat 17:00 da yangraydi.