"Arsenal" futbolchisi Leandro Trossard yana zaxiradan maydonga tushib, o'z hisobiga gol yozdirib qo'ydi. Chempionlar ligasi doirasida "Atletik" Bilbaoga qarshi safar o'yinida Mikel Arteta belgiyalik futbolchini 65-daqiqada maydonga tushirdi. 72-daqiqada vinger hisobni ochgan Gabriel Martinellining goliga assistentlik qilgan bo'lsa, 87-daqiqada o'zi gol urib, "kanonirlar"ning g'alabasini mustahkamladi - 2:0.

Opta xabariga ko'ra, Trossar 2023 yil boshida klubga kelganidan beri zaxiradan maydonga tushgan holda "Arsenal"ning 14 ta golida (10+4) bevosita ishtirok etgan - bu ko'rsatilgan davrda APLning barcha vakillari orasida eng yaxshi ko'rsatkichdir.

Londonliklar 21 sentyabr, yakshanba kuni Angliya chempionati doirasida "Manchester Siti" mehmoni bo'ladi.