"Roma"ning afsonaviy sobiq o'yinchisi Franchesko Totti Lionel Messining yutuqlari haqida fikr bildirdi.

Hozirda "Inter Mayami" safida to'p tepayotgan "Barselona" va "PSJ"ning sobiq hujumchisi rekord darajada 8 marta "Oltin to'p"ni qo'lga kiritgan.

"Sizningcha, agar Messi "Roma"da 25 yil o'ynaganida qancha "Oltin to'p" olardi? Bironta ham. Unday bo'lsa, men qanday qilib hech bo'lmaganda bittasini yutishim mumkin edi?" - deya o'ziga savol beradi Totti.

"Sen ahmoqsan, bu sening aybing," - dedi Antonio Kassano sobiq terma jamoadoshiga. - "Sen "Real"ga o'tishing kerak edi - o'shanda bir nechta sovrin yutgan bo'larding."

Yaqinda "PSJ" futbolchisi frantsiyalik Usmon Dembele "Oltin to'p" sohibiga aylandi.