O'z vaqtida "Tottenxem" sharafini himoya qilgan Jeymi O’Xara London jamoasining yomon natijalarida bosh murabbiy Igor Tudorni aybladi.

Xorvatiyalik mutaxassis tayinlanganidan so'ng "shporlar" ketma-ket to'rtta o'yinda mag'lubiyatga uchradilar. Seshanba kuni inglizlar Chempionlar Ligasi 1/8 finalida Madridning "Atletiko" jamoasidan yirik (2:5) hisobida mag'lub bo'lishdi.

"O'zi nimalar bo'lyapti? Uni ishdan bo'shating. Men buni boshqa tomosha qila olmayman, buni televizorimdan yo'qoting. Bu murabbiy — firibgar. U men ko'rgan eng katta firibgardir", — deya ekspertning so'zlaridan iqtibos keltiradi TalkSport.

Angliya Premer-ligasi turnir jadvalida "Tottenxem" 29 ochko bilan 16-o'rinda bormoqda.