Frantsiyalik futbolchi Kilian Mbappe jarima maydoni tashqarisidan eng ko'p gol urgan futbolchilar reytingini boshqarmoqda. Bu haqda Opta statistik portali ma'lumot berdi.

Statistika Evropaning 5 ta etakchi chempionatiga tegishli bo'lib, 2023-24 yilgi mavsumdan boshlab hisoblangan. Hozirda Madridning "Real" klubida to'p tepayotgan Mbappe hisobida jarima maydoni tashqarisidan kiritilgan 14 ta gol mavjud.

Undan keyingi o'rinlarni 8 ta gol bilan Fil Foden ("Manchester Siti"), Kallum Xadson-Odoi ("Nottingem Forest") va Xarri Keyn ("Bavariya") egallab turibdi.