La Liga prezidenti Xaver Tebas Ispaniya Superkubogi muddatini o'zgartirishga tayyorligini ma'lum qildi. Avvalroq OAVda o'yin fevral oyiga ko'chirilishi mumkinligi haqida xabarlar tarqalgan edi.

"Bu haqda gaplashamiz. Superkubok - bu Ispaniya futboli, bu Federatsiya brendi, ammo u La Liga brendi hamdir. O'yinlarni fevral oyiga ko'chirishda 2 ta holatni hisobga olish kerak: Chempionlar ligasi pley-off bosqichi va Ramazon oyi, ammo biz ko'chirishga tayyormiz", - deya Tebasning so'zlarini keltiradi Marca.