Madridning "Real" klubi yarim himoyachisi Orelen Tchuameni Chempionlar Ligasi chorak finali doirasida "Bavariya"ga qarshi kechgan birinchi o'yinda olgan sariq kartochkasi haqida gapirdi. Frantsuz futbolchisi 37-daqiqada ogohlantirildi — buning natijasida u Myunxendagi javob uchrashuvini o'tkazib yuboradi.

"Bilmadim, men shunchaki yugurayotgandim va to'pni olib qo'yishga harakat qilmadim, lekin hakam qoida buzilishini ko'rdi. Menimcha, u sariq kartochka ko'rsatishni xohlagandi, chunki bungacha follar ko'p bo'lgandi. Men bu qarorni tushunmayapman", — deya Tchuamenining so'zlarini keltiradi Madrid Universal.

"Santyago Bernabeu"dagi bahs "qaymoqranglilar"ning 1:2 hisobidagi mag'lubiyati bilan yakunlandi. Keyingi chorshanba kuni "Alyants Arena"da javob o'yini bo'lib o'tadi.