Opta mutaxassislari UEFAning klublar o'rtasidagi asosiy turnirida jamoalarning imkoniyatlarini hisoblash uchun superkompyuterni ishga tushirdi. Mashinadan Chempionlar Ligasida kim g'olib bo'lishini "so'rashdi".

"Javob" shunday bo'ldi: Chempionlar Ligasi kubogini qo'lga kiritish uchun eng katta imkoniyat "Arsenal"da. Londonliklarning imkoniyatlari 23,53 foizni tashkil qiladi. Qizig'i shundaki, "kanonirlar" klubi muzeyida hali Evropa chempionlari kubogi yo'q va ular Angliya Premer-ligasida oxirgi marta 2004 yilda g'alaba qozongan.

Ikkinchi o'rinda "Bavariya" bormoqda. Uning g'alaba qozonish ehtimoli - 14,33%. Kuchli uchlikni "Manchester Siti" yakunlab berdi - 12,95%.

Keyingi o'rinlarda "Liverpul" (11,72 foiz), "PSJ" (10,22 foiz), "Real" (4,7 foiz) va "Barselona" (4,24 foiz) bormoqda.