Bolgariyaning Samokov shahrida sport kurashlari bo'yicha U20 yosh toifasidagi jahon chempionati o'z yakuniga etmoqda. Bugungi bellashuvlar ham terma jamoamiz uchun muvaffaqiyatli o'tib, yunon-rum kurashchimiz Aytjan Xalmaxanov oltin medalga sazovor bo'ldi.

-63 kg vazn toifasida bahs olib borgan yurtdoshimiz saralash bosqichlarida Yaponiya, neytral maqomda kurashgan Rossiya, Qozog'iston vakillarini mag'lub etgan edi. Final bellashuvida esa armanistonlik sportchi 12:2 hisobida taslim etildi.

Manba: olympic.uz