O'zbekiston terma jamoasining sobiq futbolchisi Pavel Solomin Abbosbek Fayzullaev transferi borasida fikr bildirdi. TsSKA yarim himoyachisi yozda Turkiyaning "Istanbul Bashakshehir" klubiga o'tdi.

"Uni Evropaning qaysidir top chempionatida ko'rishni istardim, u bunga loyiq. Afsuski, hozir Fayzullaev har doim ham o'yin amaliyotiga ega bo'lmayapti, bu esa terma jamoa uchun unchalik yaxshi emas," - deya Solominning so'zlarini keltiradi Legalbet.

Fayzullaev yangi klubi safida 5 ta o'yinda maydonga tushdi va deyarli barcha o'yinlarda zaxiradan o'yinga qo'shildi. Kelasi yili O'zbekiston tarixda ilk bor jahon chempionatida ishtirok etadi.