Braziliya milliy terma jamoasining 34 yoshli himoyachisi Danilo o'zi bilan «Real» va «Yuventus»da birga to'p tepgan portugaliyalik hujumchi Krishtianu Ronaldu haqida fikr bildirdi.

«Ha, men u bilan «Real»da ham birga o'ynaganman. Turinda u ancha tajribali edi, ammo shunga qaramay ko'p gol urar va har doim yuqori darajada professional bo'lib qolardi. U sizni rivojlanishga, mashg'ulotlar va o'yinlarda bor kuchingizni ishga solishga majbur qilardi.

Odamlar Krishtianuni go'yo o'zga sayyoralik deb o'ylaydi, ammo aslida u kula oladigan, oilasi bilan vaqt o'tkazadigan va hayotdan zavq oladigan oddiy inson. Shu bilan birga, u har kuni yanada yaxshiroq bo'lishga intilib, deyarli barcha ishlarida futbol bilan yashaydi», — dedi Danilo.

Manba: championat.com