"Liverpul" bosh murabbiyi Arne Slot yarim himoyachi Dominik Soboslaining o'yini haqida fikr bildirdi.

24 yoshli vengriyalik futbolchi Chempionlar ligasi doirasida Frankfurtning "Ayntraxt" klubiga qarshi kechgan o'yin (5:1) qahramonlaridan biriga aylandi va o'z hisobiga gol hamda assist yozdirib qo'ydi.

"Men "Liverpul"ga kelganimdan beri Dominik Virjil [van Deyk] va Muhammad [Saloh] bilan deyarli bir xil daqiqa maydonda o'ynadi. Bu men u haqida qanday fikrda ekanligimning ko'rsatkichidir," - deya Slotning izohlarini keltiradi The Touchline.

Dominik Soboslai 2023 yilning yozida Germaniyaning "RB Leyptsig" klubidan 70 million evro evaziga mersisaydliklar safiga qo'shilgandi. Xavbekning amaldagi shartnomasi 2028 yilga qadar imzolangan.