Hujumchi Viktor Osimxen va vinger Barish Yilmaz «Galatasaroy» tarkibidagi eng xavfli o'yinchilar hisoblanadi. Bunday fikr bilan «Liverpul» bosh murabbiyi Arne Slot o'rtoqlashdi.

Chempionlar ligasi 1/8 finali doirasidagi jamoalar o'rtasidagi dastlabki uchrashuv 10 mart kuni Istanbulda bo'lib o'tadi va Toshkent vaqti bilan 22:45 boshlanadi.

«Osimxen — ajoyib hujumchi, u turli usullarda gol urishni biladi. Ularda tezkor va xavfli o'yinchilar ko'p — masalan, o'sha Yilmaz birinchi bo'limda bizdan ikki marta osonlik bilan qochib ketgandi», — deya mutaxassisning so'zlarini keltiradi UEFA matbuot xizmati.

Jamoalar 2025 yilning kuzida asosiy turnir doirasida allaqachon o'zaro to'qnash kelishgan. O'shanda g'alaba Turkiya klubiga nasib etgan edi (1:0).