"Liverpul" bosh murabbiyi Arne Slot Chempionlar ligasi doirasida "Ayntraxt"ga qarshi o'yinda jarohat olgan Jeremi Frimpong va Aleksandr Isakning holatiga izoh berdi.

"Ertaga yoki keyingi haftada Frimpong o'ynamaydi. Isak unchalik yomon emas. U yaqinlashib kelayotgan o'yinga shubha ostida. Ko'ramiz, keyin nima bo'larkin. Rayan Gravenberx ham xuddi shunday. Alisson hali ham tayyor emas", - dedi Slot juma kungi matbuot anjumanida.

25 oktyabr, shanba kuni "Liverpul" Angliya chempionatida "Brentford" mehmoni bo'ladi.