"Liverpul" bosh murabbiyi Arne Slot hujumchi Ugo Ekitikening o'ziga xosligini ta'kidladi.

Frantsuz o'tgan yozda "qizillar" tomonidan Frankfurtning "Ayntraxt" klubidan 95 mln evroga xarid qilingandi.

"Ekitike - jamoamizdagi eng tezkor futbolchilardan biri. Ko'plab top-jamoalarda bir, ikki yoki uch nafardan o'ta tezkor futbolchilar borligini ko'rib turibman va bu sifatni tarkibimizga qo'shgim keldi.

O'tgan mavsumda "PSJ" safida Dembele, Barkolya va Duega qarshi o'ynadik - uchalasi ham juda tezkor. Biz Ekitikening ham shunday ta'sir ko'rsatishini xohlagandik," - dedi Slot matbuot anjumanida.

Ugo Ekitik "Liverpul" safida 24 ta o'yinda 11 ta gol va bitta golli uzatmani amalga oshirgan.