Argentina terma jamoasi bosh murabbiyi Lionel Skaloni Ispaniya terma jamoasi vingeri Lamin Yamalning yarim finaldagi Ispaniya va Frantsiya o'rtasidagi uchrashuv turnirning «yashirin finali» bo'lishi haqida aytgan gaplariga munosabat bildirdi.

«Men uning fikriga qo'shilaman. Laminning so'zlarida biror noto'g'ri narsa bor deb o'ylamayman. Hatto Jahon chempionati boshlanishidan oldin ham hamma ularni asosiy favoritlar qatorida bo'lishini kutgandi.

Ispaniya haqqoniy tarzda Belgiyadan o'tdi, Frantsiya esa Marokashni mag'lub etib, oldinga katta qadam tashladi. Afsuski, bu jamoalardan faqat bittasi final yo'llanmasini qo'lga kiritadi», — dedi Skaloni.

Argentina terma jamoasi Jahon chempionatining 1/4 finalida 12 iyul kuni Shveytsariyaga qarshi maydonga tushadi.

Manba: Stadion.uz