Madridning "Atletiko" klubi bosh murabbiyi Diego Simeone "Real"ga qarshi derbi oldidan Vinisius Junior haqidagi savolga javob berishdan bosh tortdi.

"Matraschilar"ning "qaymoqranglilar"ga qarshi uy uchrashuvi bugun La Liga 7-turi doirasida bo'lib o'tadi.

Matbuot anjumani chog'ida jurnalistlar argentinalik murabbiydan Vinisiusning "Real"dagi hozirgi roli haqida gapirib berishni so'rashdi, biroq u javob berishdan bosh tortdi: "Bu savol menga taalluqli emas," - deya Simeonening so'zlarini keltiradi ispan OAV.

Madrid derbisi Toshkent vaqti bilan 19:15 da boshlanadi.