Shvetsiya terma jamoasi futbolchisi Yasin Ayari 2026 yilgi jahon chempionatining F guruhi 1-turida Tunisga qarshi bahsda kiritgan golini nishonlamadi.

Shvetsiyalik yarim himoyachining bu qarorga kelishiga sabab ham ma'lum bo'ldi. Gap shundaki, Yasin Ayarining otasi millat jihatdan tunislik hisoblanadi. Shu bois futbolchi o'zining tarixiy vataniga hurmat ko'rsatgan holda, Tunis darvozasiga urgan golidan keyin quvonchini namoyish etmadi.

Eslatib o'tamiz, mazkur uchrashuvda aynan Ayari 7-daqiqada hisobni ochgan edi. U o'yinning qo'shimcha daqiqalarida yana bir bor raqib darvozasini ishg'ol qilib, dubl qayd etdi.

Jahon chempionati–2026. F guruhi, 1-tur
15 iyun, 2026 yil. Guadalaxara (Meksika). «BBVA» stadioni
Shvetsiya – Tunis – 5:1
Gollar: Ayari, 7 (1:0), Isak, 30 (2:0), Rekik, 43 (2:1), Dyokeresh, 59 (3:1), Svanberg, 84 (4:1), Ayari, 90+6 (5:1).

Manba: championat.com