Polshada shaxmat bo'yicha "Rubinstein Memorial 2025" musobaqasi o'tkazildi. Klassik formatda o'tkazilgan turnirda 10 nafar grossmesyter ishtirok etdi. Musobaqada qatnashgan o'zbekistonlik shaxmatchi Nodirbek Yoqubboev g'oliblikni qo'lga kiritdi.

Hamyurtimiz 9 ta o'yinda 6,5 ochko to'pladi. Nodirbek 4 ta o'yinda g'alaba qozongan bo'lsa, 5 ta partiyada durang qayd etdi.

Musobaqa davomida Yoqubboev o'z hisobiga 16,1 FIDE reyting ballini qo'shib oldi hamda o'z ochkolarini 2681,2 ballga etkazib, onlayn jadvalda 45-pog'onaga ko'tarilib oldi.

Manba: stadion.uz