Germaniyada o'tkazilgan nufuzli "Grenke Chess Open 2026" festivalida ikkita yo'nalishda g'oliblar aniqlandi.

O'zbekistonlik shaxmatchi Muxammadzohid Suyarov klassik yo'nalishda 3500 dan ortiq ishtirokchini ortda qoldirib 1-o'rinni qo'lga kiritdi. U mag'lubiyatsiz 9 turdan 8 ochko jamg'ardi va 20 000 evro mukofot sovrindoriga aylandi. Bu yil Muxammadzohid uchun chindan omadli kechmoqda — barqaror o'yinlari bilan ketma-ket yirik turnirlarda yuqori natijalarni qayd etmoqda.

Vinsent Keymer esa "freestyle" yo'nalishida 7.5/9 natija bilan g'alaba qozonib, 2027-yilgi FIDE Freestyle Jahon chempionatiga yo'llanma oldi. Ikkinchi o'rinni  Maksim Vashe-Lagrav (7.5/9), uchinchi o'rinni Magnus Karlsen (7 ochko) egalladi.

Yurtdoshlarimiz "fristayl" yo'nalishida ham yuqori natijalarni qayd etishdi:

7-o'rin — Nodirbek Abdusattorov — 7 ochko;
11-o'rin — Nodirbek Yakubboev — 6.5 ochko;
18-o'rin — Shamsiddin Vohidov — 6.5 ochko;
80-o'rin — Afruza Hamdamova — 5 ochko.

Manba: https://t.me/uzchesss