O'zbekiston terma jamoasida eng ko'p o'yin o'tkazgan futbolchi Server Jeparov Sports.kz nashriga bergan intervyusida Abduqodir Husanov O'zbekiston tarixidagi eng yaxshi futbolchiga aylanish imkoniyati bor-yo'qligi haqida fikr bildirdi va uning asosiy fazilatini alohida ta'kidladi.

— Unda bunday darajaga chiqish uchun juda katta imkoniyatlar bor, vaqt ko'rsatadi. Shaxsan men unga muvaffaqiyatli faoliyat va ko'plab sovrinlar tilayman. Abduqodirning o'ziga xos jihati — uning mehnatkashligi, — dedi mutaxassis.

Qayd etish joiz, joriy mavsumda 22 yoshli Husanov «Manchester Siti» safida barcha musobaqalarda 32 ta uchrashuvda ishtirok etdi. Shuningdek, u ingliz grandi tarkibida ilk sovrini — Angliya liga kubogini qo'lga kiritdi.

Manba: sports.kz